而家真係好驚，點算…

是咁的，我有個好朋友去咗5日4夜旅行，佢去旅行之前托咗佢養咗好耐嘅狗俾我養

隻狗叫做Noddy，Noddy啱啱過咗11歲生日，佢主人由佢6個月大嘅時候開始養佢，所以佢同Noddy感情超好

Noddy三日前嚟到我屋企暫住，原本都好哋哋，但係前日開始食慾不振，成日都冇心機，我以為佢隻係唔慣住我屋企

點知，Noddy到咗尋日開始不停嘔，嘔到成地都係嘔吐物，啲嘔吐物帶有血絲。我真係好擔心。嗰陣時Noddy嘅主人仲未知佢嘅情況。

今日朝早，我見Noddy開始食得翻少少嘢，我當時以為佢嘅情況開始好轉，我就安心翻咗學。

頭先我翻到嚟屋企，見到Noddy鬱都唔鬱，全身僵硬，我點搞佢佢都唔鬱。

Noddy個主人聽日就會翻嚟香港，到時我應該點向佢主人交代？同埋我應該點處理Noddy？我真係好驚，我應該點做…

嗰日（尋晚）我女神隻狗Noddy到咗夜晚依然鬱都唔鬱，但係依然有少少呼吸同心跳，我估佢應該仲未死，有諗過帶佢睇獸醫，但上網查過我區內冇獸醫，加上好多公共運輸工具都唔俾帶狗，好快就帶打消咗念頭，求其餵咗啲安宮牛黃丸俾佢食，希望佢快啲好翻，我真係好怕佢會死。

到咗今朝，Noddy已經死咗，冇呼吸冇心跳，冇嗮生命跡象，我最唔希望發生嘅事發生咗…

我搭巴士翻學嘅時候我女神Whatsapp我。佢話佢買咗好多好貴嘅狗糧同玩具俾Noddy，仲話佢今晚十點會親自上嚟我屋企接翻走Noddy。原本女神Whatsapp我應該係一件好開心嘅事，但係今次我真係唔知點覆佢好。

我女神四歲就開始養Noddy，感情好到已經當咗佢係家庭嘅一分子。成個Facebook同Instagram都係佢同Noddy嘅合照。日日放學都話要早啲翻屋企陪Noddy。但佢到而加都未知Noddy已經死咗…

頭先放學學翻到屋企之後，我將Noddy條屍體放咗入一個黑色垃圾袋，因為佢嘅死相有啲恐怖。我女神四個鐘之後就會嚟接翻走Noddy，到時一切都玩完。

我應該點做？驚都已經冇用，我隻能等女神過嚟帶翻走Noddy…